Posts
अमेरिकेत Knoxville शहरात काम करत होतो. हे शहर छोटे आहे. तेथे आंतरराष्ट्रीय विमानतळ नाही. भारतातून जाताना आधी अन्य विमानतळावरून उतरून विमान बदलावे लागते.
मी परदेशांत काम करताना प्रत्येक पाच आठवड्यानंतर एक आठवडा सुट्टी घेऊन घरी येत होतो. असाच सुट्टीवर घरी जाण्यासाठी एकदा Knoxville विमानतळावर आलो. परंतु माझी फ्लाईट काही कारणाने त्यादिवशी उशिरा सुटणार होती. ही फ्लाईट overbooked ही होती. म्हणजेच विमानातील उपलब्ध जागांपेक्षा अधिक तिकिटे विकली गेली होती आणि अधिक प्रवाशांनी Check-in ही केले होते.
माझी फ्लाईट उशिरा सुटणार असल्याने मला पुढील विमानतळावरून मुंबईस जाणारे फ्लाईट मिळणे शक्य नव्हते. म्हणून एअरलाईन्सने माझे तिकीट रद्द करून दुसऱ्या दिवशीच्या फ्लाईटने मला जाण्यास सांगितले. मी माझे हॉटेल सोडले होते तसेच Taxi ने परत जाण्याचा/येण्याचा खर्चही होता. मी विमानकंपनीकडे विमानतळावरील पंचतारांकित हॉटेलमध्ये माझी एक दिवसासाठी (विमानकंपनीच्या खर्चाने) राहण्याची व्यवस्था करण्याची मागणी केली. सर्वसाधारणपणे विमान उशिरा निघाल्याने प्रवासी अडकल्यास विमानकंपन्या अशी व्यवस्था करतात. परंतु या कंपनीने माझी मागणी धुडकावून लावली. माझे परतीचे तिकीट असल्याने (मी एका आठवड्यात परत येणार होतो) माझे घर Knoxville मध्ये असल्याचा निष्कर्ष कंपनीने काढला होता आणि अशा परिस्थितीत हॉटेलची व्यवस्था कंपनी करत नसल्याचे मला सांगितले गेले. वारंवार विनंती करूनही माझ्या मागणीकडे दुर्लक्ष करण्यात आले.
मग मी त्यांना भारतीय सत्याग्रह काय असतो हे दाखविण्याचे ठरविले. Knoxville हे छोटे विमानतळ असल्याने रात्री ९:३० नंतर ते बंद होते हे मला माहित होते. मी विमानकंपनीच्या काउंटरसमोरच माझ्या बॅगेतील सतरंजी पसरली आणि रात्री तेथेच झोपण्याचा माझा मनोदय जाहीर केला. विमानकंपनीच्या लोकांनी त्याकडे दुर्लक्ष केले. शेवटी रात्री विमानतळ बंद होण्याच्या वेळी सिक्युरिटी आला. मी हॉटेल सोडलेले असल्याने विमानतळावर झोपण्याशिवाय मला पर्याय नसल्याचे त्याला सांगितले. त्याने काय चाव्या फिरविल्या माहित नाही, पण थोड्याच वेळात विमानकंपनीचे कर्मचारी माझ्याकडे आले आणि त्यांनी माझी व्यवस्था तेथील पंचतारांकित हॉटेलमध्ये केली असल्याचे सांगितले. शिवाय मला झालेल्या त्रासाबद्दल विमानकंपनीने दिलगिरी व्यक्त करून दीडशे डॉलरचे कूपनही दिले.हे कुपन मी पुढील प्रवासात मला वापरता येणार होते.
अशाप्रकारे माझा सत्याग्रह यशस्वी झाला.
मी परदेशांत काम करताना प्रत्येक पाच आठवड्यानंतर एक आठवडा सुट्टी घेऊन घरी येत होतो. असाच सुट्टीवर घरी जाण्यासाठी एकदा Knoxville विमानतळावर आलो. परंतु माझी फ्लाईट काही कारणाने त्यादिवशी उशिरा सुटणार होती. ही फ्लाईट overbooked ही होती. म्हणजेच विमानातील उपलब्ध जागांपेक्षा अधिक तिकिटे विकली गेली होती आणि अधिक प्रवाशांनी Check-in ही केले होते.
मग मी त्यांना भारतीय सत्याग्रह काय असतो हे दाखविण्याचे ठरविले. Knoxville हे छोटे विमानतळ असल्याने रात्री ९:३० नंतर ते बंद होते हे मला माहित होते. मी विमानकंपनीच्या काउंटरसमोरच माझ्या बॅगेतील सतरंजी पसरली आणि रात्री तेथेच झोपण्याचा माझा मनोदय जाहीर केला. विमानकंपनीच्या लोकांनी त्याकडे दुर्लक्ष केले. शेवटी रात्री विमानतळ बंद होण्याच्या वेळी सिक्युरिटी आला. मी हॉटेल सोडलेले असल्याने विमानतळावर झोपण्याशिवाय मला पर्याय नसल्याचे त्याला सांगितले. त्याने काय चाव्या फिरविल्या माहित नाही, पण थोड्याच वेळात विमानकंपनीचे कर्मचारी माझ्याकडे आले आणि त्यांनी माझी व्यवस्था तेथील पंचतारांकित हॉटेलमध्ये केली असल्याचे सांगितले. शिवाय मला झालेल्या त्रासाबद्दल विमानकंपनीने दिलगिरी व्यक्त करून दीडशे डॉलरचे कूपनही दिले.हे कुपन मी पुढील प्रवासात मला वापरता येणार होते.
अशाप्रकारे माझा सत्याग्रह यशस्वी झाला.
Dada tumhi, tumachya anubhava var ek shanase pustak liha. something kind of autobiography.
ReplyDeleteगान्धीगिरी
ReplyDelete